Albanian GNU/Linux Users Group Software Freedom Day

AL | SFD-Lajme | SFD-Temat | SFD-Orari | SFD-Sponsoret | SFD-Galeria | SFD-Vullnetart

Lajmet mbi ngjarjet e fundit rreth SFD
Konferenca ?Software Freedom Day?	25/8/2004
Konferenca ?Software Freedom Day? do të mbahet, të shtunën më 28 Gusht 2004, në Prishtinë. Software Freedom Day është një manifestim me qëllim të promovimit të softverit të lirë dhe të kodit të hapur, i cili me këtë datë mbahet në shumicën e qyteteve të mëdha botërore. Në këtë konferencë, që mbahet për herë të parë në Kosovë, do të ketë prezentime dhe ligjërata për Free Software Foundation / GNU; sistemin operativ Linux; grupin shqiptar të përdoruesve të Linuxit ? AlbaLUG; Gnome dhe KDE si ambiente punuese grafike të cilat janë lokalizuar në gjuhën shqipe; pakon softverike për produktivitet OpenOffice dhe procesin e lokalizimit në shqip. Do të prezentohet rasti i biznesit: Intraneti i komunave të Kosovës, softuer i bazuar në produktet e njohura të kodit të hapur Apache, PHP dhe MySQL. Poashtu do të prezenohet edhe teknologjia e re Mono, e cila mundëson kalim të lehtë për programet nga Windows në Linux. Konferenca do të përcillet edhe me manifestimin Install Fest, ku për të gjithë pjesmarrësit e interesuar, të cilët do të sjellin kompjuterin e tyre, do të instalohet Linux, distribucionet Red Hat Fedora ose Suse. Pjesmarrësve do të ju shpërndahen falas CD me Linux Knopix, i cili punon nga CD, dmth. pa pasur nevojë të instalohet. Do të shpërndahet edhe Open CD, e cila përmban shumë programe të kodit të hapur dhe të lira, ku përmendim: Mozilla, OpenOffice.org, GIMP etj. Kjo është një ngjarje shumë e rëndësishme për të gjithë të interesuarit dhe profesionistët e teknologjisë informative. Konferenca mbahet në lokalet e IT-TA, në rrugën Hajrullah Abdullahu nr. 25, K3 (Bregu i Diellit), në Prishtinë dhe fillon në ora 11:00. Organizator i konferencës është AlbaLinux.org, kurse bashkëorganizatorë Altec LLC, ArtMotion, ATI-KOS, DukaOnline, IT-TA dhe IT Department Ltd.
Dizajnet Grafike	13/8/2004
Me ne fund edhe dizajni i Maicave dhe DVD/CD qe do te shperndahen me 28 Gusht eshte gati. Dizajni eshte kryer nga Artan Beka. Per te pare disa shembuj se si do te duken maicat dhe dvd/cd kliko ne lidhjen SFD-Galeria
Software Freedom Day	13/8/2004
Konferenca ?Software Freedom Day?, si manifestim i prezentimit dhe promovimit të softverit të lirë, do të mbahet në Prishtinë, më 28 Gusht 2004. Kjo është konferenca e parë e këtij lloji në Kosovë, dhe shënon një ngjarje të rëndësishme si pjesë e lëvizjes globale të softverit të lirë dhe të kodit të hapur burimor (Free & Open Source Software). Qëllimi i kësaj konference është të informojë publikun për ekzistencën, mundësitë dhe kualitetin e lartë të softverit të lirë dhe të nxisë përdorimin e tij.
2004(c) GSSL-AlbaLUG www.albalinux.org